കയ്യാങ്കളി :പഞ്ചായത്ത് പ്രസിഡന്റ്‌ ചൂട് വെള്ളം ഒഴിച്ചെന്ന് വൈസ് പ്രസിഡന്റിന്റെ പരാതി

പൂവാർ :പഞ്ചായത്ത് കമ്മിറ്റി കൂടുന്നതിനിടെ, വൈസ്പ്രസിഡന്റിന്റെ ദേഹത്ത് പ്രസിഡന്റ് ചൂടുവെള്ളമൊഴിച്ചു. കൈക്കും വയറിനും പൊള്ളലേറ്റ വൈസ് പ്രസിഡന്റ് നെയ്യാറ്റിൻകര ജനറൽ ആശുപത്രിയിൽ ചികിത്സതേടി. യു ഡിഎഫ് അധികാരത്തിലുള്ള തിരുപുറം ഗ്രാമപ്പഞ്ചായത്തിൽ വെള്ളിയാഴ്ചയായിരുന്നു സംഭവം. സിഎംപിയിലെ വൈസ് പ്രസിഡന്റ് തിരുപുറം സുരേഷിനാണ് പൊള്ളലേറ്റത്.

Also read: വടകരയിൽ നിന്ന് കാണാതായ പതിനാലുകാരൻ റാദിൻ ഹംദാനായി തിരച്ചിൽ ഊർജിതമാക്കി

ലൈഫ് ഭവനപദ്ധതിക്കായി അനുവദിച്ച തുക, പ്രസിഡന്റ് വകമാറ്റി അനർഹർക്കു കൈമാറിയതായി വൈസ് പ്രസിഡന്റ് ആരോപിച്ചു. പലർക്കും കിട്ടേണ്ട പണം വീതംവെച്ചു നൽകിയെന്നാണ് ആക്ഷേപം. കമ്മിറ്റിയിൽ ഈ പ്രശ്നം ഉന്നയിച്ചതാണ് കോൺഗ്രസ് അംഗമായ പ്രസിഡന്റ് ഷീനാ എസ്.ദാസിനെ പ്രകോപിപ്പിച്ചതെന്ന് സുരേഷ് പറഞ്ഞു. തുടർന്ന് കുടിക്കാനായി വെച്ചിരുന്ന ചൂടു വെള്ളം മുഖത്തേക്കൊഴിക്കുകയായിരുന്നു. ഒഴിഞ്ഞുമാറിയതിനാൽ വെള്ളം കൈയിലും വയറ്റിലുമാണ് വീണത്. സംഭവത്തിൽ പൂവാർ പോലീസിൽ പ്രസിഡന്റിനെതിരേ വൈസ് പ്ര സിഡന്റ് പരാതി നൽകി.

Also read: ഡിഎൻഎ മാച്ച് ചെയ്യാതെ മൃതദേഹങ്ങൾ വിട്ടു നൽകാൻ സാധിക്കില്ലെന്ന് അഹമ്മദാബാദ് സിവിൽ ആശുപത്രി സിവിൽ സൂപ്രണ്ട് രാകേഷ് ജോഷി

Also read: സാഹിത്യോത്സവ് സ്വാഗത സംഘം ഓഫീസ് ആലക്കോട് പ്രവർത്തനമാരംഭിച്ചു

എന്നാൽ, പരാതി അടിസ്ഥാനരഹിതമാണെന്നാണ് പ്രസിഡൻ്റ് ഷീനാ എസ്‌.ദാസ് പറയുന്നത്. പഞ്ചായത്ത് കമ്മിറ്റിയിൽ ബഹളമുണ്ടാക്കി പോകുന്നതിനിടെ, വൈസ് പ്രസിഡൻ്റിൻ്റെ കൈ തട്ടി വെള്ളം വെച്ചിരുന്ന കുപ്പി മറിഞ്ഞുവീഴുകയായിരുന്നെന്നാണ് അവർ പറയുന്നത്. സംഭവത്തിൽ പൂവാർ പോലീസ് കേസെടുത്തു.

Also read: പ്രശസ്ത ഗായകൻ ജോസ് പ്രകാശിന് സംഗീത സമർപ്പണം സംഘടിപ്പിച്ചു

Vice President complains that Panchayat President poured hot water on him